Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

في رسالة أصالة المؤثرة بعد أزمة الكوكايين: بيروت حبيبتي وتوأمي ما رح أزعل منها

أصالة نصري

نشرت الفنانة “أصالة نصري” رسالة مؤثرة عبر صفحتها على الفيسبوك، عكست المشاعر المختلطة التي خلفتها قضية اعتقالها لحيازة الكوكايين ثم الإفراج عنها فيما بعد، وعبرت “أصالة” عن الألم والحزن لما تعرضت له وعن السعادة لرد فعل الكثيرين ممن وثقوا ببراءتها ودافعوا عنها دون أن تكون لهم علاقة بها، كما شكرت من ساندها من كبار الدولة اللبنانية، ثم بعثت برسائل مشفرة لكل من فرح لما تعرضت لها.

ونشرت:

“على قدّ ما كانت الساعات الطويلة الماضيه قاسيه وصعبه… على قدّ ما فرحت بالمحبّه وبالإهتمام وبالثقه اللي غمرتوني فيها… ماتعوّدت بحياتي فسّر أو وضّح أو كون بمطرح المتّهم… مو بس لثقتي بنفسي بل لأنّي ومن عمري ست سنين وأصغر وأنا بين الناس وكتار كتير اللي اهتمّوا فيني، وكتار كتير اللي أضافولي وعلّموني … ولا أبالغ لو قلت إنّي بحسّ بمسؤولية التعبير حتّى فيما له بالغ الأثر على أماني وأمان عائلتي، لأنّي ضمير هالناس اللي مابيقدر صوتهم يوصل … طبعاً مرّات بندم وبقول (شو كان بدّي بهالتعب) بس الأكيد إنّي خلقت لكون متل ما أنا… بيروت حبيبتي وتوأمي والناس اللي فيها بتساعدني وبتحبني أكتر بكتير من غيرهم … أنا بحسّ حالي خلقت فيها وبعشق كلّ ذرّه من ترابها … ومارح أزعل منها كتير لأنّه مالها ذنب… شكراً لكلّ اللي ساندوني وساعدوني من كبار هالدوله اللي بيتعذبوا أكتر منّي ليضلّوا كبار، وصلت اليوم بيتي تعبانه شوي ومصدومه شوي ومقهوره شوي، بس كمان عندي أمل بالضمير وخصوصاً لمّا قريت بعض الرسائل لمن لاتربطني بهم مودّه ومع ذلك نفوا عنّي ماأُشيع، والحقيقه هالشي فرّحني متل مافرحت بالكم الهائل من المحبّه والاهتمام اللي خفّف عنّي شعور الظلم اللي مارح أتعوّد عليه، مافي شي اسمه صحافه صفرا بس فيه ناس صفرا بيشتغلوا صحافه، وكلامهم أنتوا ردّيتوا عليه، ومالحق يجرحني، وسؤالي إلهم (ليش لازم كون مُتّهمه وملوّثه ليكتب قلمكم عنّي؟ ممنوع كون حرّه؟ ممنوع طالب بالعدل؟ ممنوع كون بشر متل البشر اللي خلقهم الله ليكونوا جنب بعض؟)

أملي ببكره أحلى كبير وأملي حتّى بالضمير اللي مات يصحى كمان مازال موجود، وأنا كتبت لطمّنكم، إنّي قدوه ووفيّه لثقتكم ومعكم عم بستنّى العدل يسود، ومعكم عم كافح لنكون أحرار، ورح أرجع بيروت لما بتشتقلي، وتحميني قبل ماتظلمني…

اخترنا لك