Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

إتصال براد بيت أوقعها في أزمة…الفنانة ليليان نمري تردّ على شاتميها!

الفنانة ليليان نمري

ندى أيوب – بيروت

الفنانة ليليان نمري الملقّبة بـ” ملكة الكوميديا اللبنانية”، أحدثت ضجة على مواقع التواصل الاجتماعي في الأيام القليلة الماضية، عندما نشرت “مزحة” تعليقاً على انفصال النجمين أنجلينا جولي وبراد بيت.

مزحة ليليان كانت عبارة عن صورة على حسابها في “انستغرام” تُظهِر أن النجم براد بيت قد “اتصل بها” 5 مرات ولم تردّ عليه، مرفقةً بتعليق: “صوري براد حبيبي ما رح رد عليك مع انو ضميري عم يوجعني.. اصطفل ما بتدخل بين رجال ومرته.. قبّع شوكك بايدك.. وهه”.

بعض المواقع كالَ الشتائم للفنانة نمري، واصفاً اياها بالكذب والوقاحة والضحك على الناس، الأمر الذي أثار حفيظتها وجعلها تردّ على شاتميها في منشور لها على حسابها في فايسبوك.

كتبت ليليان: “يعني ما بقي ولا موقع ما نشر المزحة اللي نزلتها عن اتصال براد بيت فيي، وما بقي حدا ما اتهمني بالكذب والوقاحة والضحك عالناس.

ما بعرف ليش الناس هالقد خفيفة العقل وبتصدق انه معقول يعني يكون براد بيت اتصل فيي عن جد ؟؟

الفنانة ليليان نمري

وقال شو انا عم بضحك عالناس… مواقع التواصل الاجتماعي ما عادت فيها خصوصيات او برايفت، وممنوع امزح مع اصدقائي اللي صارلي عشر سنين انا وياهن عالحلوة والمًرة، من اليوم ورايح انا ما بقى رح اكتب شي نهائيا ،رح نزل اغاني واقوال العباقرة والفلاسفة.

سامحوني .. لانو خلص “فلت الملق” عالاخر، وبليز ما حدا يعملي تاغ ويحط اسمي على أي خبر مهما كان لانه ما بقى يهمني، واللي بيحبني ما بيعملي تاغ ويسمّ لي بدني، لأنه مش ناقصني… وشكرا”.

ومن المعروف أن الفنانة نمري ناشطة جداً على مواقع التواصل الاجتماعي، وتلاقي منشوراتها تفاعلاً كبيراً من متابعيها، أما آخر أعمالها فكان مسرحية “نحيفة”، التي لاقت الكثير من النجاح.

اخترنا لك